[retour]
Martial, livre 2.

III
Sexte, nihil debes, nil debes, Sexte, fatemur.
Debet enim, si quis solvere, Sexte, potest.

VII
Declamas belle, causas agis, Attice, belle,
Historias bellas, carmina bella facis,
Componis belle mimos, epigrammata belle,
Bellus grammaticus, bellus es astrologus,
Et belle cantas et saltas, Attice, belle,
Bellus es arte lyrae, bellus es arte pilae.
Nil bene cum facias, facias tamen omnia belle,
Vis dicam quid sis? magnus es ardalio.

X
Basia dimidio quod das mihi, Postume, labro,
Laudo: licet demas hinc quoque dimidium.
Vis dare maius adhuc et inenarrabile munus?
Hoc tibi habe totum, Postume, dimidium.

XXI
Basia das aliis, aliis das, Postume, dextram.
Dicis 'Utrum mavis? elige.' Malo manum.

XXXVIII
Quid mihi reddat ager quaeris, Line, Nomentanus?
Hoc mihi reddit ager: te, Line, non video.

LV
Vis te, Sexte, coli: volebam amare.
Parendum est tibi: quod iubes, coleris:
Sed si te colo, Sexte, non amabo.

LVIII
Pexatus pulchre rides mea, Zoile, trita.
Sunt haec trita quidem, Zoile, sed mea sunt.

LXVII
Occurris quocumque loco mihi, Postume, clamas
Protinus et prima est haec tua vox 'Quid agis?'
Hoc, si me decies una conveneris hora,
Dicis: habes puto tu, Postume, nil quod agas.

LXXXVIII
Nil recitas et vis, Mamerce, poeta videri.
Quidquid vis esto, dummodo nil recites.

adhuc, inv. : jusqu'ici, encore maintenant
ager, agri, m. : terre, territoire, champ
ago, is, ere, egi, actum : faire, traiter
alius, a, ud : autre, un autre
amo, as, are : aimer, être amoureux
ardalio, onis, m. : ardalion, homme qui fait l'empressé
ars, artis, f. : art
astrologus, i, m. : astronome, astrologue
Atticus, i, m. : Atticus
basium, ii, n. : baiser
belle, inv. : joliment
bellum, i, n. : guerre
bellus, a, um : joli, mignon
bene, adv. : bien
canto, as, are : chanter
carmen, minis, n. : poème, incantation
causa, ae, f. : cause
clamo, as, are : crier
colo, is, ere, colui, cultum : honorer, cultiver
compono, is, ere, posui, positum : mettre ensemble, disposer
conuenio, is, ire, ueni, uentum : rencontrer
cum, inv. : conj., comme ; prép, avec
debeo, es, ere, ui, itum : devoir
decies, et deciens, inv. : dix fois
declamo, as, are : déclamer
demo, is, ere, demi, demptum : ôter, enlever
dexter, tra, trum : droit ; dextra : la main droite
dico, is, ere, dixi, dictum : dire
dimidius, a, um : demi
do, das, dare, dedi, datum : donner
dummodo, inv. : pourvu que (+ subj)
ego, mei : je
eligo, is, ere, legi, lectum : choisir
enim, inv. : car, en effet
epigrammatum, i, n.: épigramme
et, conj. : et
facio, is, ere, feci, factum : faire
fateor, eris, eri, fassus sum : reconnaître, avouer
grammaticus, i, m. : grammairien, érudit, homme de lettres
habeo, es, ere, bui, bitum : avoir
hic, haec, hoc : ce, cette
hinc, adv. : d'ici
historia, ae, f. : histoire
hora, ae, f. : heure
inenarrabilis, e : indicible
iubeo, es, ere, iussi, iussum : ordonner
labrum, i, n. : lèvre
laudo, as, are : louer
Linus, i, m. : Linus
loco, as, are : placer
locus, i, m. : lieu
lyra, ae, f. : lyre
magnus, a, um : grand
maior, oris : comparatif de magnus. Plus grand.
malo, mauis, malle, malui : préférer
malus, a, um : mauvais. comp. peior, sup. : pessimus (-umus)
Mamercus, i, m. : Mamercus
maneo, es, ere, mansi, mansum : rester
manus, us, f. : main
meus,mea, meum : mon
mimus, i, m. : mime (l'acteur ou la pièce)
munus, eris, n. : jeux, spectacle, charge, mission, cadeau
nihil, ou nil : rien
Nomentanus, a, um : de Nomentum
non, neg. : ne...pas
occurro, is, ere, curi, cursum : aller à la rencontre de
omnis, e : tout
pareo, es, ere, ui, itum : obéir
pexatus, a, um : habillé de neuf
pila, ae, f. : balle
poeta, ae, m. : poète
possum, potes, posse, potui : pouvoir
Postumus, i, m. : Postumus
primus, a, um : premier
protinus, inv. : droit devant, aussitôt
pulchre, inv. : joliment, bien
puto, as, are : penser
quaero, is, ere, siui, situm : chercher, demander
qui, quae, quod : qui
quidem, inv. : certes
quis, quae, quid : qui ?
quisquis, quidquid ou quicquid : quiconque
quo, inv. : oû ? (avec changement de lieu)
quocumque, inv. : en quelque lieu que, partout
quod, conj. : parce que
quoque, inv. : aussi
recito, as, are : réciter, déclamer
reddo, is, ere, ddidi, dditum : rendre
rideo, es, ere, risi, risum : rire
salto, as, are : danser
sed, conj. : mais
Sextus, i, m. : Sextus
si, conj. : si
soluo, is, ere, ui, itum : détacher, payer
sum, es, esse, fui : être
tamen, adv. : cependant
tero, is, ere, triui, tritum : frotter, broyer ; tempus - : passer le temps
totus, a, um : tout entier
tu, tui : tu, te, toi
tuus,a, um : ton
uideo, es, ere, uidi, uisum : voir
uideor, eris, eri, uisus sum : paraître
uis, -, f. : force
unus, a, um : un seul, un
uolo, uis, uelle, uolui : vouloir
uox, uocis, f. : voix, mot, parole
uter, tra, trum : lequel des deux ?
Zoilus, i, m. : Zoilus
Yves Ouvrard

Académie de Poitiers Courrier électronique : Latin Dernière mise à jour : 27/10/98